|
BUS424
Kurset startar med ein gjennomgang av rammeverket for korleis strategisk
rekneskapsanalyse bør gjennomførast for å få innsikt i underliggjande
økonomiske tilhøve i den analyserte verksemda, både risiko og rentabilitet.
Utgangspunktet er offentleg
informasjon, særleg rekneskapsinformasjon i form av års- og
delårsrapportar.
Analysen vert gjennomført i to steg:
1)
Strategisk analyse og
2)
rekneskapsanalyse.
Steg
1, strategisk analyse, er eit
kvalitativt analyseverktøy for å få innsikt i om verksemda har ein
strategisk fordel i form av ein bransjefordel og/eller ein ressursfordel.
Strategisk innsikt om kjeldene til bransjefordelen får me gjennom bransjeorientert strategisk
analyse, særleg gjennom makro- og porteranalyse. Innsikt i ressursfordelen
får me gjennom ressursorientert
eller selskapsspesifikk strategisk analyse, særleg gjennom vrio- eller kikk-analyse.
Steg
2 er kjernen i kurset – og går
føre seg i fire etappar:
2.1 Utarbeiding av «trailing» årsrekneskap,
2.2
omgruppering for rekneskapsanalyse,
2.3 analyse og eventuell justering av målefeil og
2.4 forholdstalsanalyse
– både analyse av risiko og rentabilitet.
Analyse av
risiko
inneheld likviditetsanalyse, soliditetsanalyse og syntetisk rating. Analyse av rentabilitet startar med
analyse av avkastingskrav, dvs målestokken, og deretter vert rentabilitet
samanlikna med kravet. Superrentabiliteten til eigenkapital, dvs
ek-rentabilitet utover kravet, vert splitta i ein driftsfordel og ein
finansieringsfordel. Driftsfordelen vert splitta i ein bransjefordel og ein
ressursfordel, jamfør den strategisk analysen i steg 1 – og verknaden av gearing
på drift vert drøfta. For å få innsikt i ressursfordelen kan han splittast
ytterlegare ein marginfordel og ein omløpsfordel.
Resultatet av strategisk rekneskapsanalyse er
kvalitativ og kvantitativ innsikt
om underliggjande økonomiske tilhøve i den verksemda som vert analysert –
det vere seg risiko og rentabilitet. Til dømes kan innsikta nyttast ved kredittvurdering slik som i BUS424
og verdivurdering slik som i BUS425
og BUS440.
Det
er ein klar fordel, men ikkje eit formelt krav, å ta kurset BUS402
Finansrekneskap før eller samstundes med BUS424. Manglar denne
forkunnskapen om regelverk og rekneskapsbasert måling kan særleg analyse og
justering av målefeil (dvs. steg 2.3) verte ein tyngre prosess enn elles.
Kurset
er basert på detaljerte førelesingsplansjar som er
kjernen i pensum, i alt godt over 1500 plansjar! Plansjane vert delte ut
gratis på førelesing - eller dei kan lastast ned frå heimesida. For å få
innsikt utover det plansjane kan gje, bør du også lese
rekneskapsanalysedelen i anten Penman, S. H. “Financial Statement Analysis and
Security Valuation”, eller Palepu, Healy og Peek “Business
Analysis and Valuation; IFRS Edition”.
Kurset
er stor grad basert på førelesingar som presenterer, utdjupar og
illustrerer rammeverket for strategisk rekneskapsanalyse. Praktisk
illustrasjon skjer gjennom at Telenor vert analysert i høve til andre
televerksemder i Norden. For å trene på og få praktisk innsikt i strategisk
rekneskapsanalyse vert det delt ut to oppgåvesett med eksamensrelevante oppgåver som
kursdeltakarane kan arbeide med på eiga hand. Det vert delt ut detaljerte
løysingsforslag – og utvalde oppgåver vert gjennomgådde i to særskilde
førelesingar; sjå førelesingsplanen.
Kravet til kursgodkjenning er jamt oppmøte på førelesing og at ein jobbar
seriøst med oppgåvesett 1 og 2.
|
